Svima nam se desilo da kupimo farmerke za koje se ispostavilo da su preuske i nismo mogli da ih nosimo. Iako ih većina tad prebaci u ćošak ormara ili nekome pokloni, možda i ne mora tako, piše vecernji.hr.
Jedna TikTokerka ispričala kako je bila razočarana jer joj novi par farmerki koje je kupila nije pristajao, ali onda je saznala za trik koji ju je oduševio.
U TikTok videu Lili Šokneht pojasnila je da je nedavno sebi kupila za broj manje farmerke nego inače jer njene veličine nije bilo, ali brzo je shvatila da joj ipak ne stoje dobro. A onda joj je baka savjetovala da u njima ode pod tuš.
„Razgovarala sam s bakom, a ona me pitala da li si se već istuširala u njima?’ Pomislila sam: ‘Šta? Ne, nisam se tuširala u farmerkama. O čemu pričaš?’ Samo je rekla: ‘Vjeruj mi, istuširaj se u njima, nosi ih po kući, malo ih rastegni, a onda ih pusti da se osuše na vazduhu i nemoj da ih stavljaš u mašinu za sušenje”.
Budući da su joj se farmerke baš dopadale učinila je, kaže, baš kako ju je baka posavjetovala, a narednog jutra su joj super stajale, kao da su u njenoj veličini.
Pratioci su bili iznenađeni činjenicom da ovo stvarno djeluje - iako su se neki unaprijed ježili od pomisli na hodanje u hladnim farmerkama. „To je odavno poznata stvar, imam 75 godina i to sam u 20-im stalno radila sa farmerkama u koje više nisam mogla da stanem!“, otkrila je jedna pratiteljka.
Bonus video:
