Kralj Džejms preskočio Vučevića

Orlando našeg reprezentativca Nikole Vučevića opet je poražen, samo ovoga puta očekivano. Vučević i drugovi gostovali su prvaku najjače košarkaške lige, pa krajnjih šest poena razlike za Lebrona Džejmsa i njegov tim ne odražavaju pravu razliku u klasi.

Klivlend se opustio u posljednjoj četvrtini, a Vučević je na parketu proveo nešto manje od 25 minuta i imao je solidan individualni učinak od 11 koševa i devet skoova, dva u napadu, ali i dvije asistencije.

Sa druge strane Kralju Džejmsu je asistencija falila za dabl-dabl, pošto je ubacio 23 koša.

Najuzbudljiviji duel odigran je u Denveru, gdje je Portland slavio nakon produžetka. Nikola Jokić je bio sjajan sa 23 poena i 17 skokova, a u ekipi domaćina ispratio ga je i Jusuf Nurkić sa 12 poena i devet skokova. Ipak, damijen Lilard je bio raspoložen na drugoj strani i sa 37 koševa je napravio prevagu.

Rezultati:

Šarlot - Boston 98:104

Klivlend - Orlando 105:99

Njujork Niks - Memfis 111:104

Čikago - Indijana 118:101

Denver - Portland produžetak 113:115

Milvoki - Bruklin 110108

San Antonio - Nju Orleans 98:79

Sakramento - Minesota 106:103

( Slaviša Živaljević )