Kerber predvodi Bijelu, a Radvanjska Crvenu grupu

Najbolja teniserka svijeta Andželik Kerber predvodiće Belu, a Poljakinja Agnješka Radvanjska Crvenu grupu na završnom WTA turniru u sezoni, odlučeno je danas žrijebom u Singapuru.

Uz Kerber u Bijeloj grupi su i Rumunka Simona Halep, Amerikanka Medison Kiz i Slovakinja Dominika Cibulkova.

Radvanjska će u Crvenoj grupi igrati protiv Čehinje Karoline Pliškove, Garbinje Muguruse iz Španije i protiv Britanke Džoane Konte ili Ruskinje Svetlane Kuznjecove.

Konta je trenutno na devetom mjestu koje vodi u Singapur, nakon što je Amerikanka Serena Vilijams otkazala učešće, ali Kuznjecova može da je pretekne ako osvoji titulu na turniru u Moskvi.

Završni WTA turnir najboljih osam teniserki održaće se od 23. do 30 oktobra u Singapuru, a titulu brani Radvanjska.

( Beta )