Bejl i Asensio donijeli pobjedu Realu, Alaves odnio bod sa "Kalderona"

Bez Kristijana Ronalda i Karima Benzeme, ali i bez problema je Real Madrid otvorio sezonu u Primeri.

Madriđani su pobijedili na "Anoeti", stadionu koji im tradicionalno ne donosi dobro - savladan je Sosijedad sa 3:0.

Garet Bejl je već u 2. minutu načeo Baske, a u finišu prvog poluvremena se nametnuo sve bolji Marko Asensio.

Ovaj 20-godišnji fudbaler, koji je ljetos na pripremama oduševio Zinedina Zidana, opet je bio u startnoj postavi, a u 40. minutu je i riješio pitanje pobjednika kada je majstorski lobovao golmana domaćina.

U posljednjim sekundama meča je konačan rezultat postavio Bejl.

A Atletiko je kiksao na premijeri, iako je dominirao protiv Alavesa na "Kalderonu" - bilo je 1:1.

Domaćin je promašio veliki broj prilika, potom je došao nadomak pobjede kada je u 92. minutu dobio poklon-penal u sudijskoj nadoknadi (iskoristio ga je Kevin Gameiro), ali je gostima bod donio Manu Garsija u 95. minutu...

Stefan Savić je u prvom meču "kolćonerosa" u sezoni odigrao svih 90 minuta.

( A. H. )