Japan: Medvjed ili više njih napadali ljude, četvoro mrtvih

Jedan ili više medvjeda su u posljednje tri nedjelje ubili četvoro ljudi u malom gradu na sjeveru Japana.

Portparol policijske stanice grada Kazuno, Naboru Abukava, izjavio je da sve četiri žrtve imaju po tijelu ujede i ogrebotine karakteristične za velike životinje, prenosi AP.

Tri muškarca i jedna žena, starosti od 65 do 79 godina , ubijeni su u periodu od 20. maja u planinskoj oblasti od 2,5 kilometara na sjeveru Japana.

Portparol policije je izjavio da gradić Kazuno nije imao smrtnih slučajeva od napada medvjeda u posljednjih pet godina.

( Tanjug )