Ramusović i Jauković u idealnom timu

Članice Budućnosti, Ema Ramusović i Đurđina Jauković, izabrane su u idealni tim svijeta za mlade rukometašice, u tradicionalnom izboru prestižnog rukometnog portala Handbal-planet.com.

Ramusoović je izabarana za najboljeg pivota svijeta, dok je Jauković najbolji lijevi bek u izboru novinara iz 11 država i više od 25 hiljada posjetilaca tog sajta.

Jauković je bila u konkurenciji za najbolju rukometašicu svijeta i izbor završila kao drugoplasirana sa 18 glasova, koliko je dobila i Darija Dmitrijeva, srednji bek Lade Toljati.

Na najbolju mladu rukometašicu izabrana je Ana Vjakireva, desno krilo ruske Astrahanočke.

U najužem izboru za idealni tim na svojim pozicijama bile su još dvije rukometašice Budućnosti, golman Ljubica Nenezić na drugom i lijevo krilo Ivona Pavićević na rećem mjestu.

U idealnom timu su još lijevo krilo Ana-Marija Tanasije (Baja Mare, Rumanija), desni bek Luka Sekerceš (FTC, Mađarska) i golman Blanka Biro (VAC, Mađarska).

( Mina )