Devet država u svijetu posjeduje nuklearni arsenal
Najviše bojnih glava s nuklearnim naoružanjem ima Rusija - čak 7300, dok ih u stopu prati SAD s 6970. Ujedinjeno Kraljevstvo ima 215 bojnih glava, Francuska 300, a Kina oko 260.
Prema kratkom presjeku nuklearnog oružja u svijetu, koji je napravio britanski Indipendent, najveći potencijal za kompletno uništenje planete još uvijek u Rusiji i SAD.
Devet država na svijetu trenutno raspolaže nuklearnim arsenalom - SAD, Rusija, Kina, Francuska, Ujedinjeno Kraljevstvo (koje su ujedno i priznate kao nuklearne sile pod Sporazumom o sprečavanju širenja nuklearnog naoružanja) te Indija, Pakistan, Izrael i Sjeverna Koreja (koje su bez "legalnog" priznanja njihovih arsenala).
Najviše bojnih glava s nuklearnim naoružanjem ima Rusija - čak 7300 (kako su proteklih dana pisali neki britanski portali taj broj raste suprotno međunarodnim sporazumima), dok ih u stopu prati SAD s 6970. Ujedinjeno Kraljevstvo ima 215 bojnih glava, Francuska 300, a Kina oko 260.
Sjeverna Koreja, koja je prije nekoliko godina uspješno testirala nuklearno oružje, ima 20 bojevih glava. No, upitna je efikasnost tog arsenala s obzirom na nepouzdanost i ograničen domet njihovih projektila koji mogu nositi takvo oružje. I dok je Kim Jong-Un najrizičniji faktor među svim osobama koje pritiskom gumba mogu izazvati masovno uništenje, zabrinutost su oduvijek izazivali Indija i Pakistana, koji su tokom 20. vijeka prošli kroz nekoliko okršaja te u međuvremenu stvorili vlastito nuklearno oružje.
Njihovi arsenali još uvijek se šire, a između sebe najmanje imaju po 100 bojevih nih glava u svakoj državi.
Velika misterija je i nuklearni arsenal Izraela, iz kojeg nikada nijesu niti potvrdili, niti negirali da imaju nuklearno oružje - procjenjuje se da imaju 80 bojevih glava.
Inače, od svih spomenutih država na nuklearno oružje najviše troši SAD - čak 20 milijardi dolara godišnje, što je više nego sve ostale nukelarne sile zajedno. Amerikanci su jedno i jedina nacija koja je nukelarno oružje upotrijebila u ratu - 1945. sa dvije su bombe uništili japanske gradove Hirošimu i Nagasaki te okončali Drugi svjetski rat uz žrtvovane živote od preko 150.000 osoba.
Kuriozitet u cijeloj "nuklearnoj" priči je Južnoafrička Republika koja je tokom 80-ih godina prošlog vijeka proizvela šest komada nuklearnog oružja, ali je sve uništila ranih 90-ih, prenio je Jutarnji list.
( Tanjug )