Australija jača ratnu mornaricu
Jačanje mornarice je centralni dio 20-godišnjeg plana jačanja vojske u cilju suočavanja sa budućim prijetnjama, uključujući tenzije u Južnom kineskom moru, gdje Kina polaže teritorijalno pravo na vode koje prisvajaju i druge azijske zemlje
Premijer Australije Malkolm Turnbul izjavio je danas da će ojačati mornaricu novim podmornicama i ratnim brodovima u okviru dugoročnog plana povećanja vojnih kapaciteta potrebnih za održavanje mira u azijsko-pacifičkom regionu. Turnbul je izjavio da Australija planira da dvostruko poveća flotu podmornica na 12 plovila, kao i da pošalje još tri razarača, devet fregata za borbu protiv podmornica i 12 patrolnih brodova.
Jačanje mornarice je centralni dio 20-godišnjeg plana jačanja vojske u cilju suočavanja sa budućim prijetnjama, uključujući tenzije u Južnom kineskom moru, gdje Kina, najvažniji trgovinski partner Australije, polaže teritorijalno pravo na vode koje prisvajaju i druge azijske zemlje.
Prema tom planu, SAD će ostati najvažji strateški partner Australije.
( Beta )