Egipat mjesečno gubi 250 miliona dolara poslije obaranja ruskog aviona

Egipat je izgubio stotine miliona dolara od kada je srušen ruski avion poslije polijetanja iz popularnog ljetovališta Šarm el Šeika, što je paralisalo važnu turističku industriju u toj zemlji.

Guverner Južnog Sinaja Haled Fuda izjavio je danas državnom listu El Ahram da je popunjenost hotela u Šarm el Šeiku i Hurgadi manja od 20 odsto i da su ti gradovi mjesečno gubili gotovo dvije milijarde egipatskih funti (više od 250 miliona dolara).

Ruski avion s 224 putnika i članova posade srušio se 31. oktobra ubrzo po polijetanju, poslije čega je Rusija suspendovala sve letove u Egipat, a Velika Britanija je ukinula letove u Šarm el Šeik.

Islamska država tvrdi da je postavila bombu u avion, a Moskva je procjienila da je avion oboren improvizovanom eksplozivnom napravom. Egipat navodi da i dalje istražuje uzrok pada aviona.

( Beta )