Ukrajinsko ministarstvo uputilo protestnu notu Moskvi: Nezakonite akcije protiv mornara

Ukrajinsko ministarstvo vanjskih poslova uputilo je danas protestnu notu Moskvi zbog, kako navode, nezakonitih akcija protiv mornara ukrajinske mornarice.

Kako se navodi, riječ je o 24 člana posada tri broda ukrajinske mornarice koja su prekršila propise o prolasku kroz Kerčki moreuz nakon čega su uhapšeni, prenosi Tanjug.

Njima je određen pritvor od dva mjeseca zbog sumnje da su ilegalno prešli rusku državnu granicu. Ako budu proglašeni krivim, prijeti im kazna do šest godina zatvora.

Ukrajinsko ministarstvo spoljnih poslova navelo je da Kijev odlučno zahtijeva da Rusija "odmah oslobodi ukrajinske državljane i osigura njihov bezbijedan povratak u domovinu".

( MINA )