Udisaj i izdisaj se uče
Disanje kroz usta umjesto kroz nos najčešća je greška. To češće praktikuju anksiozni i poslom preokupirani ljudi, kao i oni koji imaju problema s protokom vazduha kroz nos zbog prehlade, upale sinusa...
Svi znamo da se nakon dubokog udaha odmah osjećamo malo bolje. Pa zašto to tako lako zaboravljamo? Većina nikad ne razmišlja o tome kako diše osim kod vježbanja, bolesti ili stresa. Nažalost, velika većina koristi samo trećinu kapaciteta svojih pluća, a manjak kiseonika u tijelu vodi do ozbiljnih problema.
Pet znakova da ne dišete pravilno:
1. Uzdišete više nego inače - tijelo instinktivno pokušava da nadoknadi manjak kiseonika.
2. Često zijevate - to ukazuje na plitko disanje i manjak kiseonika u tijelu.
3. Škripanje zubima noću - uzrok su hronični stres i plitko, nepravilno disanje.
4. Zategnutost u vratu i ramenima - plitko disanje je krivac za bolove u vratu, ramenima i leđima.
5. Uvijek ste umorni - tijelu nedostaje kiseonika, pojavljuje se nedostatak energije i hronični umor.
Dvije najčešće greške
Disanje kroz usta umjesto kroz nos najčešća je greška. To češće praktikuju anksiozni i poslom preokupirani ljudi, kao i oni koji imaju problema s protokom vazduha kroz nos zbog prehlade, upale sinusa...
Zadržavanje daha nesvjesno praktikuju ljudi visokih ostvarenja koji su stalno u pogonu. Iako naizgled djeluju vrlo sposobno i dobre forme, mogu biti anksiozni.
Vježbe za pravilno disanje:
Praktikujte ove vježbe tri puta nedjeljno i tako tri sedmice da biste primijenili svoju tehniku i disali pravilno. Cilj je disati polako i duboko kroz nos iz dijafragme, a ne plitko iz prsa ili ramena. Da bi pronašli dijafragmu, stavite ruke na dno rebara i dišite duboko. Dijafragma treba da se širi na stranu, a trbuh prema spolja dok su grudi i ramena opušteni.
- Sjednite na stolicu ili legnite na pod, pazeći da je toplo jer toplina opušta mišiće.
- Opustite udove, a ako sjedite, držite se ravno.
- Dišite i obratite pažnju dišete li iz ramena, grudi ili stomaka.
- Koncentrišite se da to bude iz stomaka i polako udahnite kroz nos.
- Zadržite izdisaj nekoliko sekundi i povlačite stomak prema kičmi.
- Napravite pauzu na kraju svakog udaha i izdaha i počnite ponovo. - Ponavljate dva minuta.
Tokom dana, svakih sat vremena, obratite pažnju kako dišete. Sjednite mirno i polako udišite brojeći do četiri ili pet, jednakim tempom i izdišite. To će pomoći da dišete sporije i dublje, piše Daily Mail.
( Vijesti online )