Miranda Ker razočarala fanove ovom golišavom fotografijom
Bilo je i onih kojima nije zasmetala provokativna fotografija, a sudeći po broju lajkova njih je 160.000
Bivšeg Viktorijinog anđela Mirandu Ker fanovi su kritikovali, jer je objavila fotografiju na kojoj se vide njene gole noge.
Iako Miranda nikada nije izbjegavala da svojim obožavaocima pokaže svoje tijelo, mnogi su se složili u tome da nova fotografija "izgleda jeftino".
Na slici koju je Miranda objavila vide se njene gole noge, a međunožje je sakrila Ribok patikama, brenda s kojim sarađuje.
S obzirom na to da je plaćena da reklamira patike, potrudila se da reklama bude primijećena. Ipak, komentari fanova na društvenim mrežama nisu ohrabrujući za Mirandu.
"Ovo izgleda tako jeftino", "Gdje ti je nestao stil", "Ovo je užasno, razočaran sam", samo su neki od komentara koje je dobila. Bilo je i onih kojima nije zasmetala provokativna fotografija, a sudeći po broju lajkova njih je 160.000.
Hrabri poster na Instagramu samo je jedna u nizu kontroverznih fotografija koje je Australijanka objavila u posljednje vrijeme. Nedavno je lijepa manekenka, inače jedna od najplaćenijih na svijetu, uputila važnu poruku svojim online fanovima, čiji broj dostiže skoro sedam miliona. Promovišući kampanju protiv ugnjetavanja žena, na Instagramu je objavila fotografiju na kojoj, napućenih usana i sa “rej ban” naočarama, drži znak na kome piše: “Voli to što si, ti si takva kakva si i najbolja si”.
( Vijesti online )