Navijači Burse napali autobus Fenerbahčea

Tri nedjelje nakon napada vatrenim oružjem od strane navijača Trabzona, kada je ranjen klupski vozač autobusa, fudbaleri Fenerbahčea ponovo su se našli na meti huligana.

Danas je autobus sa fudbalerima i stručnim štabom Fenerbahčea napadnut u Bursi, uoči početka utakmice sa istoimenim timom u polufinalu Kupa Turske, navodi sajt Milijet.

Naime, oko 50 navijača Burse napalo je autobus bakljama i kamenjem ispred stadiona, a veći broj pripadnika policije spriječio je veći incident, u kojem niko nije bio povrijeđen.

Polufinalna utakmica između Burse i Fenerbahčea završena je pobjedom kluba iz Istanbula sa 2:1.

( S.J. )