Kud puklo da puklo: Katarinino i Denisovo vjenčanje

216 pregleda0 komentar(a)
T V
TV Vijesti
13.03.2015. 09:32h

Danas u 17.30 časova gledajte petnaestu epizodu hit serije "Kud puklo da puklo".

Denis predlaže Katarini da se vjenčaju još danas. Katarina je zbunjena, ali ipak pristaje, iako joj je malo krivo što neće imati pravu svadbu. Kumovi su im Krešimir (Katarinin) i Tomislav (Denisov). Pred Damirom Denis namjerno govori svešteniku da ih mora vjenčati danas.

Sveštenik Mirko negoduje jer nisu bili vjereni prije toga, ali ga Denis podsjeća na donaciju za šljunak, te sveštenik Mirko pristaje. Katarina dolazi kod Diane u salon da joj napravi svečanu frizuru, a tamo zatiče i Snježanu koja se naprosto ozari kad čuje da se Katarina udaje.

Više joj ništa ne zamjera i spremna je na ruku pomirenja. Jedino se Damir ne razveseli toj vijesti, pa kad se sretne s Katarinom, nastoji biti hladan, ležeran i samo joj poželi sreću. Milica donosi sretne vijesti Marku i Višnji, na što oni ostaju potpuno zgranuti. Nemaju pojma da im se jedna kći udaje.

Barbara je odlučna spasiti školu i život njihova sela te ulazi u projekt sa Svetom. On će joj napraviti dijete i tako će selo izbjeći propast. Diana pak poludi na tu ideju, a Josip je čak malo i zabrinut zbog moguće prinove, jer se boji da će u tom slučaju morati dijeliti imovinu. Na kraju, Barbara uvidi da baš i nije takva igračica. Shvati da ne može spavati sa Svetom.

Snježana je okupirana Damirom i, prema Dijaninim uputama, dala se u projekt zavođenja Damira, uz pomoć self-help literature. Već prvi dan čitanja, rezultati su izvrsni – Katarina se udaje i put prema Damiru ostaje čist. Crkveno vjenčanje je u toku, kad u crkvu upadaju Marko i izbezumljena Višnja koja zaustavlja ceremoniju.

Dramska serija s elementima humora "Kud puklo da puklo" zaradila je u 2014. godini titulu najgledanije serije (TV Nova), a u 2015. o njenoj sve većoj popularnosti svjedoče i rekordni rezultati gledanosti ostvareni u januaru i februaru.

Seriju "Kud puklo da puklo" premijerno možete pratiti radnim danima od 17.30 časova a repriza je na programu od 10.55 časova.

Budite uz TV Vijesti.

Galerija