Poplave širom Dalmacije
U nekim mjestima izmjerene su vrijednosti blizu rekordnih dnevnih padavina ikada izmjerenih u januaru
Obilna kiša donijela je probleme nekim djelovima Dalmacije gdje su mnogi podrumi poplavljeni pa su vatrogasci imali brojne intervencije.
Usljed velike količine padavina, koje su počele sinoć, voda je prodrla u dubrovačke kuće i dvorišta, a pet porodica koje žive u prizemljima ostalo je bez ičega.
Podaci Državnog hidrometeorološkog zavoda pokazuju da je najviše kiše palo u Metkoviću - 125 litara po kvadratnom metru.
Puno padavina bilo je i u Ćilipima, Dubrovniku, Pločama i na Mljetu.
U nekim mjestima izmjerene su vrijednosti blizu rekordnih dnevnih padavina ikada izmjerenih u januaru, objavila je HRT.
U Dubrovniku, poslije obilnih kiša, voda iz vodovoda nije za piće.
( Tanjug )