Zaboravite na nadutost: Bundeva pomaže

Osjećaj nadutosti u želucu i gasovi, mogu da budu vrlo neprijatni. Na sreću, postoji mnoštvo prirodnih načina da to uspješno prebrodite.

Bundeve - Od sada pa do kraja zime jedite pečenu ili kuvanu bundevu, kada osjetite nadimanje. Jedna šolja dnevno dovoljna je da reguliše rad organa za varenje.

Čajevi - Pripremite jači čaj od kamilice ili nane, dodajte malo meda i limuna, pa lagano pijuckajte. Čaj od đumbira takođe je djelotvoran. Isjecite četiri do šest kolutića, prelijte sa 3 dl ključale vode i ostavite poklopljeno da odstoji 10 minuta. Zasladite medom i pijte prije ili poslije jela radi boljeg varenja.

Sjemenke - Možete pojesti kašiku sjemenki kima ili od njih napravite krekere, pa ih jedite kada god osjetite nelagodu i probleme sa varenjem. Kašika sjemenki anisa takođe je djelotvorna protiv grčeva i gasova.

Limun - Ujutru, na prazan stomak, popijte čašu tople vode sa jednom do dvije kašike iscijeđenog limuna. Ovaj napitak je zdrav i puni energijom, uspostavlja dobro varenje i pomaže u mršavljenju. Možete da pripremite i sok od limuna i sode bikarbone. U čašu prvo iscijedite limun i dodajte kašičicu sode bikarbone. Mješavina će početi da pjeni, pa u nju sipajte vodu. Sve dobro izmiješajte da se soda bikarbona rastvori, a onda polako pijte.

( Vijesti online )