Voćni ražnjići za detoksikaciju nakon praznika

Većina je nakon ulaska u 2015. počela da razmišlja o detoksikaciji organizma. Tokom praznika smo jeli i što je trebalo i što nije, a sada je vrijeme da oslobodite vaše tijelo nakupljenih otrova i vratite mu energiju.

Donosimo ukusnu i jednostavnu ideju za zdrav i ukusan desert. Pečenjem će se iz voća izlučiti prirodni šećeri i voće će biti slađe, a samim time i lakše za konzumiranje. Vrste voća možete sami da birate u zavisnosti od toga šta imate kod kuće.

SASTOJCI:

• 1 ananas
• 2 jabuke
• 5 breskvi
• 5 šljiva
• 1 kašičica cimeta
• 100 ml jogurta

PRIPREMA:

Voće izrežite na jednako velike dijelove kako bi pečenjem jednako omekšalo.

Voće režite u jednu posudu kako bi se okusi izmiješali, a tako ćete ujedno sačuvati sokove od voća kojima možete preliti voćne ražnjice nakon pečenja.

U sokove od voća dodajte cimet.

Četkicom premažite voće začinjenim sokom.

Voće složite na štapiće.

Pecite na tiganju bez masnoće ili na roštilju.

Kada voće dobije boju sklonite sa vatre i poslužite toplo.

Uz ove ukusne ražnjiće odlično će pristajati i lagani jogurt koji možete da pomiješate sa ostatkom soka i cimeta.

( Vijesti online )