Zapečeni makaroni sa piletinom i povrćem

Potrebno je:

• 400 g pilećih grudi
• 400 g šampinjona
• 1 crni luk
• 1 tikvica
• 1 šargarepa
• 1 dl bijelog vina
• 100 g kisjele pavlake
• peršun, origano, bosiljak
• 200 g makarona
• 20 g margarina
• 1 kašika brašna
• 3 dl mlijeka
• 100 g kačkavalja
• so
• ulje.

Priprema:

Pileće meso isjecite na kockice i ispržite na malo ulja. Poklopite posudu u kojoj se meso peče, kako bi ostalo mekano.

Dodajte sitno sjeckani luk na kockice, isjeckanu šargarepu, posolite i nastavite kratko prženje. Zatim dodajte šampinjone isječene na listove, a kad omekšaju dodajte na kockice isjeckanu tikvicu, nalijte vino i začinite peršunom, origanom i bosiljkom.

Kad sve omekša dodajte pavlaku i sjedinite, pa sklonite sa strane. Skuvajte makarone.

Otopite margarin, upržite brašno i dodajte mlako mlijeko, napravite bešamel sos i posolite po ukusu. Skloniti bešamel sa vatre i dodajte izrendani kačkavalj, pa sjedinite miješanjem. Posudu u kojoj ćete peći obložite papirom za pečenje, poređajte makarone preko meso sa povrćem i prelijte bešamelom.

Pecite na 180 stepeni oko 15 minuta.

( Vijesti online )