Njemac morao hitno u toalet, pa ukrao auto da pođe do kuće i "obavi posao"
Prema policiji, mladić je objasnio da je samo "posudio" auto kako bi što prije došao do kuće udaljene kilometar i po
Kratki odlazak na WC imaće ozbiljne posljedice za 18-godišnjeg trkača iz njemačkog grada Bad Neustadta, objavila je u subotu policija.
Kada je trčeći u petak osjetio iznenadni zov prirode, tinejdžer je odlučio do wc-a doći na najbrži mogući način - otključanim automobilom sa upaljenim motorom koji je vlasnik ostavio pred kućom.
Vlasnik ga je ostavio kako bi se vozilo zagrijalo na niskim temperaturama koje ove zime pogađaju Njemačku.
Shvativši da automobila nema, 34-godišnjak je pozvao policiju. Ubrzo su otkrili krivca, i to pred istom kućom gdje je vozilo nestalo.
Prema policiji, mladić je objasnio da je samo "posudio" auto kako bi što prije došao do kuće udaljene kilometar i po.
No, izvinjenje ga neće spasiti od optužbe za krađu auta i vožnju bez vozačke dozvole, piše Hina.
( Vijesti online )