Crna Gora otvara konzulat u Milanu

Vlada Crne Gore donijela je odluku o otvaranju konzulata u Milanu na čijem će čelu biti počasni konzul.

Konzulat će, kako se navodi u odluci Vlade, biti nadležan za italijanske regije Lombardija, Dolina Aoste i Pijemonte.

Vlada je ovlastila ministarstvo vanjskih poslova i evropskih integracija da preduzmje mjere za sprovođenje te odluke.

Crna Gora ima 28 počasnih konzula od kojih su dva u Italiji. Na čelu konzulata u Bariju, zaduženog za regiju Pulja, je počasni konzul Luiđi Morfini, dok je Frančesko Gala Trinikera počasni konzul u Napulju, zadužen za regiju Kampanja.

( Samir Kajošević )