Upoznajte ribe koje su izmislile seks kakav danas poznajete

Naučnici koji proučavaju praistorijske fosile otkrili su da se seks kakav upražnjavaju ljudi, prve počele da koriste prastare oklopljene ribe, koje se zovu placoderme, prije oko 385 miliona godina u Škotskoj.

Otkriće naučnika je važno u evolucijskoj istoriji seksualnog razmnožavanja vrsta, jer su otkrili da su fosili muških jedinki Microbrachius dicki, koji pripadaju porodici Placodermi, razvili koščane genitalne ekstremitete u obliku slova "L" kako bi spermu unijeli u ženke.

Ženke su sa druge strane razvile mali par genitalnih kostiju kako bi "zaključale" muške polne organe u položaj za parenje, prenosi Dnevnik.hr pisanje Business Insidera.

Placoderme su najraniji kičmenjaci preci ljudi.

"Nekad se mislilo da je to mrtva grupa koja nema rođaka, ali novije studije pokazuju da naša evolucija vuče duboke korijene iz placodermi te da su se mnoge karakteristike koje imamo, poput vilice, zuba i parnog broja ekstremiteta, prvi put pojavile sa tom grupom riba", kazao je Džon Long, paleontolog Univerziteta Flinders iz Australije, koji je i vodio studiju.

Microbrachius ribe bile su veličine do osam centimetara i živjele su u prastarim škotskim jezerima, ali i u dijelovima Estonije i Kine. Njihov naziv znači "male ruke", koje su dugo vremena zbunjivale naučnike. Misterija je riješena i naučnici su sada sigurni da su ih koristili za parenje.

Studija je otkrila još jednu zanimljivost u vezi sa parenjem te prastare vrste - ove ribe su se parile u bočnom položaju.

( Vijesti online )