Beograd: Vuk ujeo djevojčicu u Zoološkom vrtu

Vuk koji je napao djevojčicu star je oko 10 mjeseci, a do incidenta je došlo u takozvanom "bejbi" zoo vrtu, u kom je smješten sa ostalim mladuncima

9 komentar(a)
Vijesti online
20.04.2014. 19:57h
Dvogodišnja djevojčica K. V. prevezena je oko 18.20 sati u Dječju bolnicu u Tiršovoj u Beogradu nakon što joj je na leđa skočio vuk u Zoološkom vrtu i povrijedio je.

Životinju je, kako prenose srpski mediji, prije incidenta na povocu šetala O. M. (43), volonterka u Zoo vrtu. Vuk se u jednom trenutku iznenada otrgao, skočio je djevojčici na leđa i ujeo je, piše Blic.

Vuk koji je napao djevojčicu star je oko 10 mjeseci, a do incidenta je došlo u takozvanom "bejbi" zoo vrtu, u kom je smješten sa ostalim mladuncima.

Inače, šetnja mladunaca različitih životinjskih vrsta, pa i vukova, uobičajena je procedura u zoo vrtu.

Hitna pomoć prevezla je dijete u bolnicu u Tiršovoj, gdje se utvrđuje stepen povreda. U Hitnoj pomoći kažu samo da djevojčica ima hematom na leđima.

Životinja je poslije incidenta vraćena u kavez.