Klop mijenja Martina?

Barselona je spremna za promjenu na klupi, a novi trener bi mogao da bude Jirgen Klop, navodi katalonski "Sport".

Navodno, Herardo Martino na ljeto sigurno napušta “Nou Kamp”, iako ima ugovor i za narednu sezonu, a čelnici Barse u Klopu vide idealnog stručnjaka za početak nove ere.

Nije trener Borusije iz Dortmunda jedini kandidat, šanse se daju i aktuelnom selektoru Njemačke Joakimu Levu.

Pitanje je, međutim, da li je Barsa u ovom trenutku privlačna ijednom od njih, pogotovo nakon riječi legendarnog Johana Krojfa.

"Barsa nema trenera već četiri godine. Pep Gvardiola se posljednje dvije godine borio s pritiscima u klubu oko sastava tima, pa je otišao kada je vidio da ne može ništa da promijeni. Kasnije je isti problem imao Tito Vilanova, sada Martino...", rekao je Krojf nakon eliminacije Barse od Atletika u Ligi šampiona.

( M. R. )