Malezijski istražioci: Pilot je divljao i naglo je mijenjao visinu letenja
Takve drastične manevre, prema malezijskim istražiocima, morala je da izvede osoba koja je po svaku cijenu htjela da izbjegne radare i nestane
Prema podacima malezijskih istražilaca koji pokušavaju da utvrde šta se u stvari desilo nakon misterioznog nestanka Boinga 777, koji je prevozio 239 putnika i članova posade, avion je nedugo nakon što je iščezao sa radarskih ekrana, počeo da mahnito krivudao i naglo je mijenjao visinu letenja kako bi izbjegao radare.
Avion je u jednom trenutku došao na visinu od čak 45.000 stopa (skoro 14 kilometara), što je 10.000 stopa više od standardne visine, da bi se ubrzo sunovratio na ispod 5.000 stopa (oko kilometar i po).
Takve drastične manevre, prema malezijskim istražiocima, morala je da izvede osoba koja je po svaku cijenu htjela da izbjegne radare i nestane.
"Letio je jako nisko i jako brzo sa ciljem izbjegavanja radara", tvrdi izvor blizak istrazi za britanski Sunday Times, prenosi Jutarnji list.
MH370: Crne kutije utihnule >>>
Malezija ne zna za navodni kopilotov telefonski razgovor
Malezija je danas negirala da je kopilot nestalog Boinga 777 pokušao da nekoga nazove telefonom prije samog nestanka aviona sa radara i istakla da se istraga o putnicima nastavlja.
Malezijska štampa je u subotu objavila da je kopilot Farik Abdul Hamid pokušao da nekoga nazove svojim mobilnim prije samog nestanka aviona sa radara.
Poziv je bio prekinut, možda zato što se avion brzo udaljio od releja, navodi New Straits Times.
Malezijski ministar saobraćaja rekao je u nedjelju da ne zna za taj poziv.
"Koliko ja znam, ne", rekao je Hišamudin Husein novinarima.
( Vijesti online )