Prevec najbolji na Planici
Poljak Kamil Štoh, koji je ranije obezbijedio trijumf u Svjetskom kupu, bio je vodeći nakon prve serije, a nastup je završio na četvrtom mjestu (139 i 136)
Slovenac Peter Prevc pobjednik je takmičenja u skijaškim skokovima koje je za Svjetski kup danas održano na Planici.
On je bio treći nakon prve serije, a do pobjede došao je skokovima od 136 i 142 metra, za koje je dobio 283,7 bodova.
On je u drugoj seriji postavio novi rekord skakaonice. To je njegov treći trijumf ove sezone, nakon što je bio najbolji u Bad Mitendorfu i Saporu.
Njemac Zeverin Frojnd osvojio je drugo mjesto skokovma od 136 i 141 metar i zbirom od 280,9 bodova.
Norvežanin Anders Bardal osvojio je treće mjesto skokovima dužine 138,5 i 136,5 metara, za koje je dobio 278,5 bodova.
Poljak Kamil Štoh, koji je ranije obezbijedio trijumf u Svjetskom kupu, bio je vodeći nakon prve serije, a nastup je završio na četvrtom mjestu (139 i 136).
Japanac Noriaki Kasai bio je peti skokovima od 134,5 i 133 metra. Koh je takmičenje u Svjetskom kupu završio sa 1420 bodova.
Prevc je drugi sa 1312, a teći Frojnd sa 1303 boda.
( Mina )