Luksuz u kojem je uživao Janukovič: Zlatni WC, skupi automobili...

Rezidencija Viktora Janukoviča koja se nalazi u predgrađu Kijeva od juče ujutro je prazna i nije je nije čuvao, pa je u nju nesmetano mogao da uđe ko god je htio. Tako su se tu juče, osim novinara, skupili i ukrajinski demonstranti.

Opoziciona grupa Euromaidan na Twitteru je objavila niz fotografija koje pokazuju u kakvom je luksuzu Janukovič uživao u svojoj rezidenciji koja se nalazi na oko 15 kilometara od Kijeva.

Na fotografijama se može vidjeti sauna koja je uređena poput luksuznog dnevnog boravka u kojem je čak imao kauč od krokodilske kože.

Toaleti su optočeni zlatom, a pronađene su i replike drevnih grčkih ruševina. U Janukovičevoj garaži zatekli su bogatu kolekciju skupocjenih automobila, motora, kao i oldtajmera.

Janukovičevo imanje ima golf teren, kao i vještačko jezero. Janukovič je imao i svoj privatni zoološki vrt u kojem je imao ovce, svinje, antilope, ali i nešto egzotičnije životinje.

Uz različita dokumenta, u njegovoj vili je pronađena i crna lista na kojoj su imena novinara i aktivista, prenosi Dnevnik.hr.

PROČITAJTE JOŠ:

20 svjetskih lidera je bogatije nego što ste mislili >>>

Bašar al Asad najbogatiji diktator >>>

Galerija

( Vijesti online )