Sanino mijenja Zolu u Votfordu
"Italijanski poslovi" u Votfordu počeli su onog trenutka (u junu prošle godine) kada je klub kupio aktuelni predsjednik Udinezea Đampaolo Poco, koji je inače vlasnik i španske Granade
Votford je brzo reagovao nakon što je Đanfranko Zola napustio funkciju menadžera i rješenje pronašao u Italiji – klupu člana engleskog Čempionšipa preuzeo je Đuzepe Sanino.
Zola je u ponedjeljak napustio Votford jer nije bio zadovoljan rezultatima, a ljetos je sa istim klubom bio blizu ulaska u Premijer ligu.
"Italijanski poslovi" u Votfordu počeli su onog trenutka (u junu prošle godine) kada je klub kupio aktuelni predsjednik Udinezea Đampaolo Poco, koji je inače vlasnik i španske Granade.
U Votfordu trenutno igra šest Italijana od kojih je najpoznatiji bivši bek Rome Marko Kaseti. Tu su još i Gabrijele Anđela, Kristijan Batokio, Fernando Forestijeri, Marko Faraoni i Dijego Fabrini.
Votford je trenutno na 13. mjestu u Čempionšipu sa osam bodova manje od Lidsa koji je posljednji u zoni plej-ofa za ulazak u Premijer ligu.
Sanino je u Seriji A vodio Palermo, Sijenu i Kjevo.
( A. H. )