Kako njegovati kožu, kosu i nokte

Dolaze nam hladniji dani, a s njima i sezona crvenila i sivila lica.

Čak i oni koji imaju masnu kožu mogli bi se susresti s problemima suvoće. Ipak, dobra stvar je što vas sve to može zaobići ako na vrijeme pređete na nove načine brige za sebe!

• Koža lica i tijela

Ulja će vam pomoći da se riješite suve kože. Na primjer, jednostavno nanesite kokosovo ulje prije svakog kupanja. Za lice izaberite ulja koja na začepljuju pore, kao što su ulje avokada, ulje jaglaca ili bademovo ulje. Na posebno suve djelove kože, posebno na kojima koža puca (pete, laktovi, koljena), nanosite gušća ulja ili balzame. Alternativa je i vazelin.

Nemojte se tuširati vrućom vodom, voda neka bude topla. Kupku obogatite glicerinom i biljnim uljima, na primjer uljem čajevca koji pomaže koži sačuvati vlažnost.

Već je moguće preći i na masniju hidratantnu kremu (na bazi ulja, a ne vode), barem tokom noći. U hidrantnim losionima mora se naći glicerin i alfa-hidrokiseline koji pomažu omekšavanju kože. Što se tonika tiče, u ove hladne dane djelotvorni su tonici koji sadrže eterična ulja te anti-aging vitamin E.

Maske za lice koristite obavezno? Nastavite da ih koristite i zimi. Ali nemojte koristiti maske koje sadrže glinu jer taj sastojak "usisava" iz kože prirodna ulja, a ona su zimi neophodna našoj koži. Potražite maske s mlijekom, jogurtom, maslinovim uljem ili avokadom. Ti sastojci podstiču proizvodnju kolagena u koži.

Kožu možete hidratizovati i prije pilinga, u tom slučaju ona neće dehidrirati. Poslije pilinga koža će lako upiti vlagu, a za to u sastav pilinga možete uvesti ulja i druge hidrantne sastojke.

• Nokti

U njegu svojih ruku i stopala ubacite još jedan postupak – hidratizujte kutikule pomoću prirodnih ulja! Moguće ih je umasirati u vlažnu kožu, a ako nemate ulja, dovoljno je umasirati u prste ruku i nogu hidrantnu kremu.

Ako vam ruke jako reaguju na sniženje temperature – pucaju ili se ljušte – postoji jednostavan način da im pomognete: svaku noć nanesite na njih pamučne rukavice nakon što ste ih namazali vazelinom, masnom kremom ili uljima. Možete namazati i pete i staviti pamučne čarape.

Što je vazduh hladniji, to vaši nokti postaju krhki. Jačajte ih ljekovitim kupkama i uljima ne manje od jednom nedjeljno.

• Kosa

Skratite kosu. Riješite se ispucalih vrhova uništenih suncem, hlorom ili morskom vodom. Jesen je sjajna prilika da počnete da hranite svoju kosu, to je vrijeme maski i balzama za kosu.

Nanosite jednom nedjeljno maske koje dubinski regenerišu. Pravilna njega kose koja počinje s dolaskom jeseni spriječiće ispucale vrhove. I obavezno zaštitite kosu od naglih promjena temperature. To ne znači samo da kosu treba zaštiti od fena za kosu, već i od hladnog vazduha na ulici – šal ili kapa su oabvezni!

• Make-up

U jesen nastupa vrijeme kozmetike s mineralnim sastojcima. Tako, na primjer, osim tonirane kreme možete koristititi i mineralni puder. Ruž za usne ili balzam bogati su vitaminom

E, što će spriječiti pucanje i suvoću usana, a jesen je i odlično vrijeme za novu boju kose ili nove boje vašeg make-upa. Dodajte crvene i smeđe nijanse u paletu vaših boja!

( Vijesti online )