Devet mjeseci poslije porođaja: Minela u prvom WTA finalu u karijeri

Luksemburžanka Mendi Minela plasirala se danas u finale turnira u švajcarskom Gštadu.

Mogla bi da osvoji prvi trofej u karijeri devet mjeseci poslije porođaja.

Minela je u polufinalnu pobijedila Čehinju Marketu Vondrousovu sa 4:6, 6:2, 6:2 i prvi put u karijeri, u 32. godini, plasirala se u WTA finale.

Ona se porodila u oktobru, a ako sjutra osvoji titulu, postaće treća teniserka koja je kao majka u posljednjih godinu dana osvojila trofej.

Prije nje to su učinile Katarina Bondarenko u Taškentu i Tatjana Marija na Majorci.

Minela će u finalu igrati protiv prvog nosioca, Francuskinje Aliz Korne, kojoj je Kanađanka Eženi Bušar predala meč zbog povrede butnog mišića.

Prije prekida, Korne je osvojila prvi set poslije taj-brejka i vodila je sa 1:0 u drugom setu.

Korne će pokušati da osvoji šestu WTA titulu, a prvu u posljednje dvije godine.

( S.J. )