Na Njegušima uništene dvije "italijanke" iz Drugog svjetskog rata
"Iako su bombe stare preko 70 godina, i bile na vlažnom području, začudila nas je jačina detonacije", kaže Moštrokol
Cetinjski vatrogasci, uz pomoć pripadnika Direkcije za vanredne situacije, uništili su dvije bombe na području Njeguša.
Kako je "Vijestima" kazao komandir vatrogasne jedinice na Cetinju, Peđa Moštokol, bombe su pronašli speolozi prilikom istraživanja tamošnjih jama, na 15 minuta hoda od Njeguša prema Lovćenu.
"Radi se o bomba iz Drugog svjetskog rata, takozvanim „italijankama“. Odlučeno je da bombe uništimo na licu mjesta, jer je procjenjeno da na tom području ne može biti prouzrokovana nikava šteta. Ipak, moram da kažem, da iako su bombe stare preko 70 godina, i bile na vlažnom području, začudila nas je jačina detonacije, koja je nastala njihovim aktiviranjem", kaže Moštrokol.
Inače, to nije prvi put da na ovom području pronađu zaostalo oružje iz Drugog svjetskog rata.
( Danijela Lasica )