Masterkard istraživanje: Bangkok omiljeno mjesto turista

Bangkok je turistima najomiljeniji grad, pokazalo je istraživanje Masterkarda. Prema rezultatima istraživanja Global Destination Cities Index, koje Masterkard objavljuje treću godinu uzastopno, odmah iza Bangkoka na listi najomiljenijih gradova je London, a slijede Pariz, Singapur i Njujork. Na spisku su 132 mjesta, razvrstana po ukupnom broju stranih turista koji ih posjećuju i njihovoj potrošnji, prenosi Bankamagazin.

Bangkok je ove godine potisnuo London s prvog mjesta, sa samo 25 hiljada posjetilaca više. U ovogodišnjem istraživanju uočljiv je trend dominacije azijsko-pacifičke regije. Među 132 mjesta uvrštenih na listu top odredišta čak su 42 azijska, osim Bangkoka među njima su Singapur, Kuala Lumpur, Hong Kong, Seul, Šangaj i Tokio. Među 20 vodećih turističkih odredišta je i pet gradova koji imaju status Masterkard prajsles sitis /Priceless Cities/. To su London, Pariz, Singapur, Njujork i Los Anđeles.

Galerija

( MINA )