Za šta sve možete koristiti šampon za kosu?

Osim što neguje kosu, čini je čistom i mekom vaš šampon može da napravi čuda i u domaćinstvu.

Ako vam ostane malo šampona ili imate neki koji ne koristite nemojte ga baciti, već ga iskoristite za čišćenje lišća, hromiranih površina, poliranje cipela ili bezbolno skidanje flastera.

1. Ukoliko imate problema s patentnim zatvaračem koji zapinje, nanesite malo šampona na njega, pa ga nekoliko puta otvorite i zatvorite i vaš problem je riješen.

2. Slično postupite ako želite bezbolno da skinete flaster. Nanesite kap šampona na dio zalijepljen na kožu, sačekajte nekoliko trenutaka da se namoči, pa lagano skinite flaster.

3. Vratite kožnim cipelama boju i sjaj. Par kapi šampona nanesite na čistu pamučnu krpicu, dobro utrljajte u obuću i očistite čistim dijelom krpice.

4. Za ručno pranje osjetljive odjeće umjesto skupih deterdženata, u vodu nakapajte nekoliko kapi šampona za kosu.

5. Isto važi i za fleke na odjeći. Nanesite na mrlju malo šampona, istrljajte i ostavite da tako odstoji nekoliko minuta, pa odjeću operite na uobičajen način.

6. Upotrebite šampon umjesto pjene ili kreme za brijanje. Nanesite ga na kožu i obrijte područje i isperite. Šampon ima svilenkastu strukturu zbog koje brijač lakše klizi, mnogo je blaži od sapuna i ne isušuje kožu.

7. Očistite prašinu s lišća na kućnim biljkama s mješavinom vode i kapi šampona. U mješavinu umočite krpu, iscjedite je, pa prebrišite lišće.

8. Očistite četku za kosu i četkice za nanošenje šminke. Istrljajte ih šamponom i dobro isperite. Šampon savršeno odstranjuje tjelesne masnoće.

9. Pomiješajte šampon i sodu bikarbonu i napravite pastu za čišćenje aluminijumskih felni i hromirane površine na vašim kolima.

10. Ako ne možete da odvrnete sijalicu ili vas nervira škripanje vrata grlo sijalice i šarke na vratima, podmažite šamponom i problem je riješen.

Galerija

( Vijesti online )