Lopovi u Češkoj kopali tri mjeseca da bi ukrali 170 metara bakarnog kabla
Portparol policije je upozorio da bi za iste radove kod bilo koje građevinske firme dobili najmanje 4.000 eura
Na jugu Češke kraj Brna lopovi su se čitava tri mjeseca mučili da iskopaju kanal i ukradu bakarni kabl, iako bi da su se zaposlili kod bilo kojeg građevinskog preduzeća dobili znatno više novca nego prodajom bakra u staro gvožđe.
Da se pošteni rad isplati više od krađe pokazao je nedavni bizarni slučaj kada su nepoznati lopovi tri mjeseca kopali kanal od napuštene kasarne do lokalnog ribnjaka.
"Za tri mjeseca su uspjeli da iskopaju 170 metara kabla. Vlasnik je procijenio štetu na 4.000 eura. Prodajom u staro gvožđe sigurno nisu dobili toliku svotu", kazao je portparol policije u Brnu Bohumil Malašek.
Portparol je upozorio da bi za iste radove kod bilo koje građevinske firme dobili najmanje 4.000 eura. Za lopovima češka policija još traga.
( Beta )