Ajkula uhvaćena u Boki bačena u more
Direktor Instituta za biologiju mora iz Kotora, ihtiolog dr Aleksandar Joksimović kazao je da su Lakičeviči ulovili ženku morskog psa vrste glavonja ili volonja
Morski pas glavonja koga su juče kod ostrva Mamula ulovila braća Lakičevići iz Bjelila, završio je ponovo u moru, pa od spektakularnog ulova morske nemani duge skoro 4 metra i teške preko pola tone, ribari nisu imali nikakve koristi.
Bokeljski ribari ulovili ajkulu tešku pola tone >>>
„Iskidali smo je u pokušaju da iskoristimo njeno meso. Kontaktirali smo nakupce, bezuspješno zvali. U međuvremenu smo saznali da je jetra ove vrste ajkule otrovna i da su čak i djelovi tijela mogu biti otrovni u određeno doba godine. Nijesmo htjeli da rizikujemo“ kazao je Davor Lakičević.
Direktor Instituta za biologiju mora iz Kotora, ihtiolog dr Aleksandar Joksimović kazao je da su Lakičeviči ulovili ženku morskog psa vrste glavonja ili volonja, dugu 3,75 metara, kao i da ta vrsta ajkule nije opasna za ljude, ali je njena jetra otrovna i konzumacija mesa može biti rizična.
( Siniša Luković )