Radnici spalili šefa u Indiji
Bijesni radnici jedne plantaže čaja na sjeveroistoku Indije spalili su svog šefa i njegovi suprugu, prenio je BBC.
Na sjeveroistoku Indije, na jednoj plantaži čaja, radnici su u srijedu uveče okružili bungalov u kome su se nalazili menadžer plantaže Mridul Kumar Batačarija i njegova supruga Rita i zapalili ga jer su pojedini zaposleni "zamoljeni" da napuste barake u kojima su bili smješteni. Spaljivanje šefa sprovelo je oko 700 radnika, a ugljenisana tijela su pronađena dan kasnije. Prema nazvaničnim informacijama, radnici su zapalili bungalov pošto je menadžer Mridul Kumar navodno pucao na njih jer su protestovali ispred njegove kuće. Kako prenosi BBC, policija je privela trojicu radnika.
Pobunjeni radnici bili su naoružani kamenjem, lukovima i strijelama. Nakon incidenta prijavljen je nestanak četiri osobe, a i dva automobila koji su bili u vlasništvu omraženog šefa plantaže spaljena su.
Policija je privela tri radnika koje povezuje s incidentom.
Upucao učenika i ranio četvoro ljudi
Nastradali šef plantaže je i prije dvije godine imao problema sa zaposlenima na plantažama kojima je upravljao. U tom su sukobu radnici zapalili fabriku čaja u Raniju, blizu Guvahatija, glavnog grada Ašama, i to nakon što je pucao na njih.
Rulja se okupila blizu njegove kuće protestujući zbog njegovog napada na jednu ženu iz Ranija u martu 2010. godine, a on je, pokušavajući da rastjera demonstrante, ubio pištoljem jednog učenika i ranio još četvoro ljudi.
Iz indijske države Ašam potiče čak polovina ukupne proizvodnje čaja u Indiji, a na oko 800 plantaža radi više desetina hiljada ljudi. Sukobi slabo plaćenih, izgladnjelih radnika i menadžmenta nisu rijetkost. Prije pet godina vlasti su čak naredile pojačanu kontrolu rada upravnika plantaža, jer je za samo pet mjeseci umrlo 168 radnika zbog bolesti povezanih s trovanjem ili bakterijskom zarazom vode.
( Beta )