Teodo gost Kožuva

Nakon četiri vezane pobjede, košarkaši Teoda su prije nedjelju upisali poraz u duelu sa Rilskim.

Večeras ih čeka novo iskušenje, gostuju u Đevđeliji ekipi Kožuva, koju su pred svojim navijačima savladali 75:68.

U odnosu na duel u dvorani „Župa“, Makedonci su jači za bivšeg pleja MZT Skoplja Igora Mijajlovića.

“U svaki meč ulazimo sa pobjedničkim ambicijama, bez obzira na ime rivala. Kožuv je dobra ekipa, koja nije odustala od plasmana u dalji tok takmičenja. Oni su nam direktni rivali, ovo im je posljednji meč u grupi i sigurno će biti jako motivisani da se pobjedom oproste od svojih navijača, samim tim i zadrže šanse za baraž - kazao je Siniša Tepavčević, iskusni bek Teoda.

Duel u dvorani “26. april” počinje u 19 sati, a pravdu će dijeliti Ademir Zurapović (BiH), Aleksandar Glišić (Srbija) i Uroš Obrknežević (Srbija).

( D. M. )