40 godina Porsche Designa
Proizvođač automobila ove godine obilježava 40 godina od osnivanja svog uspješnog podbrenda i u tu čast će u svom muzeju u Štutgartu prirediti izložbu kreacija Porsche Designa
Ferdinand Aleksandar Porše je jedan od ljudi koji je svojim bezvremenim dizajnerskim i inžinjerskim rješenjima snažno obilježio istoriju automobilizma.
Ipak, genijalni inžinjer i prije svega umjetnik početkom sedamdesetih godine prošlog vijeka nije odolio izazovu da uđe svijet visoke mode.
Godine 1972. u Štutgartu je nastao Porsche Design Studio, a vrlo brzo nakon toga svijet je vidio prvi potpuno crni ručni sat, legendarne Porsche P’ 8478 sunčane naočare koje su do sada prodate u 7. 000. 000 primjeraka, olovke, garderobu, luksuzni namještaj...
Njemci ove godine obilježavaju 40 godina od osnivanja svog izuzetno uspješnog podbrenda i u tu čast ovaj proizvođač automobila će u svom muzeju u Štutgartu prirediti izložbu kreacija Porsche Designa.
Sjedište Porsche Designa danas je u Austriji, gradu Zell am See, a mreža maloprodajnih objekata ovog luksuznog brenda za muškarce rasprostranjena je u svim svjetskim metropolama.
( vijesti online )