Ubijen bivši bokser Kori Sanders
Poznat je po tome što je 8. marta 2003. nokautirao Vladimir Klička, a godinu kasnije izgubio je titulu od Vitalija Klička
Kori Sanders (46 godina), bivši svjetski prvak u superteškoj kategoriji u verzijama WBU i WBC ubijen je jutros u oružanoj pljački u Južnoj Africi.
On je u jednom restoranu u Pretoriji slavio rođendan bratanca, kada su tri naoružana muškarca upala u restoran i počela da pucaju na goste.
"Kori nije uradio ništa, jednostavno bio je na pogrešnom mjestu u pogrešno vrijeme. Dva metka su ga pogodila, jedna u ruku, jedan u stomak. Nakon pucnjave davao je znake života, ali je, nažalost, preminuo u bolnici. U restoranu je ukupno bilo 48 gostiju, bio je mrak. Njegov bratanac Majk je držao govor, a nekoliko trenutaka kasnije u restoran su upali naoružani muškarci i počeli nasumice da pucaju".
"Mislili smo da se djeca igraju, ali kada je Kori pogođen, onda smo shvatili da je ozbiljno. Tražili su od nas da legnemo na pod i da novčanike i telefone stavimo na sto. Kori je bio odmah do ulaznih vrata. Ubili su ga, kako su rekli, kao lekciju nama ostalima da ne smijemo da napravimo pogrešan korak“, rekao je Nil Kolins, sportski novinar iz Pretorije i očevidac ubistva.
Sanders je u profesionalnoj karijeri imao skor od 42 pobjede (32 nokautom) uz četiri poraza.
Poznat je po tome što je 8. marta 2003. nokautirao Vladimir Klička, a godinu kasnije izgubio je titulu od Vitalija Klička.
Penzionisao se 2008. godine.
( D. M. )