Šta se dešava kada zaboravimo da skinemo šminku pred spavanje

Većini od nas dogodilo se da smo barem jednom zaboravile da skinemo šminku prije nego što smo zaspale, bilo da smo jednostavno pale sa nogu posle ludog provoda, ili smo bile toliko umorne nakon posla, da nam skidanje šminke nije čak ni palo na pamet, svaka se u ovoj situaciji barem jednom našla.

Iako smo napravile ovaj propust, svakako imamo svijest da je to jako štetno za našu kožu, ali evo o čemu se zapravo radi:

Šminka zatvara naše pore i zato je bitno skinuti je pred spavanje, kako bi koža mogla normalno da diše. Ukoliko pak ne skinemo šminku prije spavanja, pore će biti zapušene šminkom, kao i uljima koje koža proizvodi, što može dovesti do upalnih procesa.

Ukoliko se vaše pore zapuše pojavljuje se rizik od akni i pigmentacije kože lica. Pored toga uljani sloj na licu apsorbuje bakterije i na taj način dodatno šteti vašoj koži.

Ukoliko ste zaboravile da skinete šminku prije sna, nekoliko puta, nije tako strašno, međutim, ako vam se to često dešava, vaša koža postaće masna, podložna aknama i upalama, prenosi Lepota i zdravlje.

( Vijesti online )