Ševčenko ide u Ameriku ili Emirate
On je karijeru počeo u kijevskom klubu, a zvjezdane trenutke doživio je igrajući za Milan. Za sedam sezone na “San Siru” odigrao je 208 mečeva i postigao je 191 pogodak
Andrej Ševčenko, bivši napadač Milan i Čelzija, rekao je u izjavi za ukrajinske medije da će na kraju sezone napustiti matični klub Dinamo iz Kijeva i da će u inostranstvu odigrati još sezonu ili dvije prije nego što završi karijeru.
“Dobio sam ponudu od jednog člana američke MLS lige, ali i nekoliko klubova iz Ujedinjenih Arapskih Emirata. Odluku sam odložio do juna, kada mi ističe ugovor sa Dinamom. Međutim, izvjesno je da ću napustiti Ukrajinu ”, rekao je Ševčenko.
On je karijeru počeo u kijevskom klubu, a zvjezdane trenutke doživio je igrajući za Milan.
Za sedam sezone na “San Siru” odigrao je 208 mečeva i postigao je 191 pogodak.
Iz Serije A se 2006. godine preselio u Čelzi, ali se u Londonu nije snašao.
Odigrao je svega 48 mečeva i dao je devet golova.
Posljednju sezonu ugovor sa “plavcima” (2008/2009) proveo je na pozajmici u Milanu, a onda se vratio u Dinamo.
( Danko Misita )