Svjetski rekorder u maratonu nije izborio olimpijsku normu

Kenijski maratonac prošlog vikenda nije završio trku u Londonu i nije izborio mjesto u nacionalnom timu, koji će predvoditi Vilson Kiplagat, Abel Kirui i Mozes Mosop.

0 komentar(a)
Patrik Makau, Foto: Reuters
S
S.J.
25.04.2012. 18:02h

Svjetski rekorder u maratonu Patrik Makau neće imati priliku da se za medalje bori na predstojećim Olimpijskim igrama u Londonu – kenijski maratonac prošlog vikenda nije završio trku u Londonu i nije izborio mjesto u nacionalnom timu, koji će predvoditi Vilson Kiplagat, Abel Kirui i Mozes Mosop.

Kada su maratonke u pitanju, Keniju će na Igrama predstavljati Meri Kejtani, Edna Kiplagat i Priša Džeptu.

Makau je u septembru prošle godine oborio svjetski rekord, pošto je maraton u Berlinu istračao za dva sata, tri minuta i 38 sekundi.