FA kaznila Njukasl i Sanderlend
Utakmica dva ljuta rivala je obilovala prekršajima, grubim startovima i nesportskim potezima, a kulminirala je čarkom poslije grubog starta fudbalera Sanderlenda Džejmsa Meklina...
Fudbalska asocijacija Engleske odlučila je da kazni Njukasl i Sanderlend zbog nesportskog i neprimjerenog ponašanja fudbalera u meču Premijer lige 4. marta.
Na saslušanju je odlučeno da Njukasl plati oko 40 hiljada funti, dok će Sanderlend morati da odvoji 20.
Utakmica dva ljuta rivala je obilovala prekršajima, grubim startovima i nesportskim potezima, a kulminirala je čarkom poslije grubog starta fudbalera Sanderlenda Džejmsa Meklina krajem prvog poluvremena.
Grubosti na terenu viđene su i u drugom dijelu meča koji je bez pobjednika (1:1), a crvene kartone su zaradili fudbaleri Sanderlenda Stefan Sesenjo tokom igre i Li Katermol poslije utakmice.
( Beta )