Bajern siguran, Hofenhajm eliminisan

Fudbaleri Bajerna, Grojterfirta i Borusije Menhengladbah pridružili su se Borusiji Dortmund u polufinalu Kupa Njemačke. Interesantno, na sve četiri utakmice slavili su gosti.

Golovima Riberija i Gomeza, Bajern je rutinski savladao Štutgart na “Mercedes Benc Areni”. Gosti iz Minhena poveli su nakon pola sata igre. Rafinja je povukao napad po desnoj strani, sjajno loptu poslao u prostor za Tomasa Milera, a ovaj prizemnim centaršutom pronašao Franka Riberija u petercu domaćina, pa je Francuzu preostalo samo da loptu proslijedi iza leđa Svena Ulrajha.

Na samom otvaranju drugog poluvremena, iskusni njemački reprezentativac Mario Gomez postavio je konačan rezultat, iz brzog kontranapada

Najveće iznenađenje priredio je drugoligaš Grojterfirt, koji je golom 30-godišnjeg Olivera Oseana eliminisao prvoligaša Hofenhajma, koji je od 36. minuta igrao bez isključenog Kompera.

Borusija Menhengladbah je takođe sa 2:0, ali poslije produžetaka, izbacila berlinsku Hertu.

U 10. minutu prvog produžetka, dosuđen je penal za goste, koji je u gol pretvorio Dems, a prethodno je Hubnik isključen. U posljednjem minutu Vent je nakon jedne kontre postavio konačan rezultat ovoga meča.

Četvrtfinale

Hofenhajm – Grojterfirt 0:1

Osean 44.

Herta – Borusija Menhengladbah 0:2 (produžeci)

Dems 101, Vent 120

Štutgart – Bajern Minhen 0:2

Riberi 30. Gomez 46

Utorak:

Kil – Borusija Dortmund 0:4

Levandovski 11, Kagava 18, Barios 80, Perišić 87

( S.J. )