Sjeverna Koreja: U čast rođendana preminulih vođa puštaju zatvorenike

Sjevernokorejske vlasti odobriće amnestiju za neke političke zatvorenike, kako bi obilježili rođendane dvojice pokojnih vođa. Ove godine bi upravo preminuli Kim Jong-il slavio 70. rođendan, a „otac domovine“ Kim Il-sung bi imao 100 godina, prenosi Index.hr. Državna agencija KCNA objavila je kako će proces amnestiranja početi 1. februara, u njihovu čast i da . amnestija „otjelovljuje njihovu plemenitu, dobroćudnu i inkluzivnu politiku“. Nije precizirano o koliko se zatvorenika radi. Amnesti internešenel procjenjuje da su u sjevernokorejskim „kampovima“ nalazi do 200 hiljada političkih zatvorenika. Ta organizacija je prošle godine saopštila da se ti kampovi šire, a to vjeruju na osnovu satelitskih snimaka.

( Mina )