Sud u Hagu traži izdavanje crvene potjernice za Gadafijem
"Spremni smo da u Tripoliju i u cijeloj zemlji pojačamo napade protiv pacova i plaćenika, to je jedna pseća banda", rekao je Gadafi
Tužilac Međunarodnog suda u Hagu Luis Moreno-Okampo saopštio je da od Interpola traži izdavanje "crvene" potjernice za libijskogim vođom Moamerom Gadafijem, njegovim sinom Saifom al-Islamom i šefom obavještajaca Abdulahom al-Senusijem.
"Crvena" potjernica Interpola koristi se za hapšenje i ekstradiciju traženih osoba na osnovu naloga za hapšenje.
Osobe na koje se odnosi takva potjernica traže nacionalna pravosuđa ili Međunarodni sud, a Interpol treba da pomogne nacionalnim policijama u identifikovanju i lociranju tih osoba, radi hapšenja i izručenja.
Za svu je trojicu sud u Hagu je u junu izdao naloge za hapšenje zbog zločina protiv čovječnosti.
"Hapšenje Gadafija je pitanje vremena", rekao je Moreno-Okampo.
Gadafi odbacio glasine da je pobjegao u Niger, prodao 20 odsto zlata
Bivši libijski vođa Moamer Gadafi je u najnovijoj poruci demantovao da je pobjegao u Niger, a u isto vrijeme libijska Centralna banka je potvrdila da je posljednjih dana na vlasti Gadafi prodao 20 odsto rezervi zlata zemlje u vrijednosti od preko milijardu dolara.
"Spremni smo da u Tripoliju i u cijeloj zemlji pojačamo napade protiv pacova i plaćenika, to je jedna pseća banda", rekao je GadafiPobunjenici drže pod opsadom posljednje uporište Gadafijevih snaga u Sebi, u središtu zemlje, Sirtu, 360 kilometara istočno od Tripolija i Bani Validu, 170 kilometara jugoistočno od Tripolija, prenosi agencija AFP.
Snage Nacionalnog prelaznog vijeća (NTC) dale su im rok za predaju do subote.
NTC i međunarodna zajednica, koja je u martu intervenisala kako bi od Gadafijevog režima zaštitila civile, žele da uhvate bivšeg libijskog vođu koji im stalno izmiče.
SAD je od susjednih zemalja Libije, uključujući i Niger, zatražio da kontrolišu granice, dok se na terenu, kako tvrdi NTC, obruč oko Gadafija steže.
"Ništa im više nije ostalo bez laži i psihološki rat. Tvrde da su vidjeli Gadafija u konvoju za Niger. Ali koliko konvoja, trgovaca i ljudi svakodnevno prolazi pustinjom prema Sudanu, Čadu, Maliju i Alžiru. Kao da prvi put neki konvoj prelazi pustinjom prema Nigeru", poručio je Gadafi u poruci.
"Spremni smo da u Tripoliju i u cijeloj zemlji pojačamo napade protiv pacova i plaćenika, to je jedna pseća banda", rekao je Gadafi.
SAD smatra da činjenica da je Gadafi još na slobodi predstavlja "opasnost" za novu vlast u pokušajima da stabilizuje stanje u zemlji i oformi vladu.
( Vijesti online )