Kolin Farel napisao oproštajno pismo... cigaretama

Glumac Kolin Farel napisao je oproštajno pismo cigaretama, nakon što je odlučio da prestane da puši, prenijeli su danas mediji.

''Prestao sam da pušim u nedjelju, dan prije nego što sam napunio 34 godine. Proveo sam cijeli dan sa kutijom cigareta pušeći ih polako, jednu po jednu i onda sam im napisao oproštajno pismo'', rekao je Farel.

''Sjećam se prvog dana kada smo se sreli i kroz šta sve smo prošli. Pomogle ste mi da prebrodim toliko mnogo situacija'', stoji u oproštajnom pismu.

Glumac je priznao da je to bilo pismo nalik onima koji se pišu kada se prekida veza i da je to bio njegov prvi raskid na papiru.

''To i jeste raskid i ovo je prvi put da sam raskinuo putem pisma, tako da je bio veoma čudan''.

( Vijesti online )