Zambijske prostitutke traže muževe u rijaliti programu

Zambijski TV kanal je pokrenuo rialiti šou koji bi trebao da pomogne bivšim prostitutkama da pronađu muževe.

U emisiji se takmiči 18 prostitutki za novčanu nagradu od 6.393 eura, kojima će platiti svoje vjenčanje.

TV stanica Muvi, koja emituje "Spremna za brak", je saopštila kako je ovim ženama htjela pružiti drugu šansu u životu. "Želimo promijeniti živote tih žena. I one su ljudi na kraju krajeva."

Samo za prostitutke

U Lusaki, glavnom gradu Zambije, su se pojavila i negodovanja zbog šoua. Žene koje se nijesu bavile prostitucijom ne mogu učestvovati u emisiji "Spremna za brak". "Ukoliko se one promijene i prestanu sa tim, onda ne vidim nikakav problem u emisiji. Ali, ako je to samo radi privlačenja gledalaca, onda sam protiv toga", rekao je jedan od autora programa. Iz Muvi TV-a je saopšeno kako su u emisiju regrutovali žene iz različitih djelova zemlje, prenosi BBC.

"Morala sam da prehranim sebe i svoju djecu"

Neke od njih su rekle kako su se počele baviti prostitucijom jer su samohrane majke i da im je to bio jedini način da prehrane djecu. "Morala sam da prehranim sebe i svoju djecu", rekla je Prešz Kavainga (28).

I utješne nagrade za učesnice

Sve učesnice koje dobiju glasove gledalaca dobiće i utješne nagrade od 700 do 1.000 i više eura.

Njima će se takođe ponuditi i puno radno vrijeme kako se ne bi vratile prostituciji.

"Jednom prostitutka - uvijek prostitutka. Njima je teško da se tek tako mijenjaju preko noći", rekao je gledalac emisije

Reakcije gledalaca u glavnom gradu Lusaki su različite. "Jednom prostitutka - uvijek prostitutka. Njima je teško da se tek tako mijenjaju preko noći", rekao je gledalac emisije. Inače, prvi put kada je u Zambiji uveden rialiti šou sveštenici su bili ogorčeni, rekli su kako će to doprinijeti narušavanju moralnih vrijednosti.

( Vijesti online )