Oprez s dlakama na licu
Dlake na ljudskom tijelu su izuzetno važne: kosa štiti glavu od hladnoće, odnosno vrućine i ultraljubičastih zraka.
Obrve štite oči i odvode znoj od očiju prema sljepoočnicama, a trepavice, pak imaju zadatak zaštititi oči od prašine i manjih insekata.
Ukrasnu ulogu imaju prvenstveno dlake koje rastu na glavi, obrve i trepavice.
Dlake na licu – čupanje obrva i njega trepavica sastavni su dio uobičajenog kozmetičkog tretmana. Kod klijenata koje je zadesila ova pojava na licu, bradi, nausnicama, vrlo često dolazi do psihičkog opterećenja.
Potrebno je primjenjivati metode koje zaista uklanjaju dlake, a kozmetičarka predstaviti i pojasniti što će se i kako raditi i temeljno objasniti samu suštinu metode.
Dlake ispod pazuha - ovdje je riječ manje o psihi, a puno više o higijeni.
Dlake na nogama - lijepa je noga glatka i bez dlaka.
Dlake na nogama ne smiju biti uklonjene abrazivnim metodama, jer tada ponovo počinju da rastu brže i oštrije su.
Otkinuta dlaka dobija obod koji pri rastu otvrdnjava.
Na velikoj su površini najbolje metode s voskom. Kod redovne depilacije i dlakavost će biti manja. S estetskog aspekta važno je uklanjanje dlaka u tzv.„bikini zoni”.
Tržište nudi puno mogućnosti koje moraju biti kritički sagledane.
Od aparata za brijanje, depil - krema, preko voska, pa sve do skupih uređaja, sve je u ponudi.
( Prof. Olgica Nikčević )