Kraj za Đokovića: Bautista-Agut u četvrtfinalu Majamija

Novak Đoković stao je na trećem koraku na masters turniru u Majamiju.

Bolji od srpskog tenisera bio je Roberto Bautista-Agut - slavio je 2:1 nakon preokreta (1:6, 7:5, 6:3).

Prvi set nije nagovještavao ovakav epilog, jer je Đoković poveo 5:0, onda je i drugi set otvorio brejkom, ali su potom počeli problemi.

Španac se razigrao, prijetio protivniku, a kod njegovog vođstva od 5:4 je meč prekinula kiša na gotovo pola sata.

Nastavak je donio još veću borbu u kojoj je Bautista-Agut poravnao na 1:1, a onda u odlučujućem setu imao snagu više od prvog reketa svijeta.

Bautista-Agut će u četvrtfinalu igrati protiv Džona Iznera, koji je rezultatom 7:6, 7:6 savladao Kajla Edmunda.

( Vijesti Sport )