Imanje Rivombroz – 20 godina kasnije
Nakon dvije sezone „Elize iz Rivombroze“, nastavak serijala pod nazivom „Elizina ćerka – povratak u Rivombroz“ vodi nas u vrijeme 20 godina kasnije, kada se mnogo toga već promijenilo u Rivombrozu, ali i u Evropi. Glavni likovi su Anjeze i Andrea, mladi ljudi koji snažno brane svoja osjećanja
Prošlo je dvadeset godina i mnogo toga se promijenilo u Rivombrozu i u Evropi. Napoleonova vojska prodrla je u Italiju i Pijemont sa obećanjima slobode, jednakosti i bratstva. No, kao što se to često dogodi, vojna okupacija sa sobom donosi i siromaštvo, nesigurnost i ugnjetavanje. Na imanju Rivombroz i u okolnim selima tvorena je legenda o grupi maskiranih razbojnika koji se hrabro suprotstavljaju francuskim osvajačima. Iako je suncem obasjano, vrijeme u Rivombrozu ne može biti mračnije.
U Rivombroz se vraća predivna djevojka koja je tu i odrasla. Ona je Anjeze Ristori, jedina ćerka Elize i Fabricija koja je sada zapanjujuće prelijepa dvadesetrogodišnjakinja, šarmantna kao svoja majka. Anjeze putuje u Rivombroz kako bi prisustvovala vjenčanju svog brata Martina. Njena kočija približava se šumi punoj razbojnika, a Anjeze putuje potpuno bezbrižno ni ne sluteći kako je ljubav njenog života čeka upravo iza ugla.
Seriju „Elizina ćerka - Povratak u Rivombroz“ gledajte od 15. Maja, radnim danima od 16.55h na TV Vijesti.
( TV Vijesti )